ބޮލްގް ޓާސްކް 1
އުނގެނުމާއި އުނގަންނައިދިނުމުގައި ޝައުގުވެރިކަން
އުނގެނުމާއި
އުނގަންނައިދިނުމުގައި ޝައުގުވެރިކަމަކީ ވަރަށް މުހިންމު ކަމެކެވެ. އެހެނީ ތިމާ
ކުރާ ކޮންމެ ކަމެއް ވެސް ގުޅިފައިވަނީ ޝައުގުވެރިކަމާއެވެ. ބައެއް މީހުންނަކީ
އެމީހުންގެ އަމިއްލަ ޒާތުގައި ވަކި ކަންތައްތަކެއް ކުރުމަށް ޝައުގުވެރިކަން ހުންނަ
މީހުންނެވެ. އެ ފަދަ މީހުން ތިބޭނީ
އަބަދުވެސް އެކަމެއް ކުރާ ހިތުންނެވެ.
ބައެއް
ސައިކޮލޮޖިސްޓުން ދެ ގޮތަކަށް މޯޓިވޭޝަން ( ޝައުގުވެރިކަން) މާނަކުރެ އެވެ. އެއް
ގޮތަކީ ފަރުދީ ގޮތުން ކޮންމެ ފަރުދެއްގެވެސް އެތެރޭގެ ބޭނުންތަކުގެ މައްޗަށް
ބިނާވެފައިވާ މޯޓިވޭޝަނާއި ވަކި ހާލަތަކާ ގުޅިގެން އުފެދޭ މޯޓިވޭޝަނެވެ. މިގޮތުން
ކުލާސް ރޫމްގައި ކުދިން ޝައުގުވެރިވާނޭ ގޮތަށް ކަންތައްތައް ބައްޓަން ކުރުމީ
ވަރަށް މުހިންމު ކަމެކެވެ. މިސާލަކަށް ޓާރމް ޓެސްޓުން އެންމެ ރަނގަޅު ނަތީޖާ ހޯދާ
ކުދިންނަށް އިނާމެއް ދޭނަމޭ ބުނުން ނުވަތަ ހުރިހާ ކުދިން ފާސް ވެއްޖެނަމަ ދަތުރަކު
ދާނަމޭ ބުނުން ފަދަ ކަންކަމަކީ އޭގެ ސަބަބުން ކުދިންގެ ނަތީޖާ ރަނގަޅުވުމަށް
މަގުފަހިވާ ކަންކަމެވެ. ވީމާ ކިޔަވައިދޭއިރު، ކުދިން ޝައުގުވެރިވާނޭ ގޮތްތަކަކީ
ކޮބައިތޯ ބަލައި އެ ގޮތްގޮތައް ކުދިން ޝައުގުވެރިކުރުވުމަކީ ވަރަށް މުހިންމު
ކަމެކެވެ.
No comments:
Post a Comment